Rydyn ni'n frwd dros gyfuno te o safon, wedi'i ffynonellu'n foesegol, sy'n dathlu natur a blas Cymru. Wedi'n lleoli yn Sir Gaerfyrddin, rydyn ni'n gweithio'n agos gyda thyfwyr lleol i ddatblygu te llesiant arloesol gan ddefnyddio cynhwysion naturiol, tymhorol. Mae pob cymysgedd yn dod mewn pecynnu cynaliadwy, gyda bagiau te di-blastig, di-blîtsh, sy'n bioddiraddadwy.

Mae ein cymysgeddau te yn seiliedig ar flynyddoedd o ymchwil a datblygu gyda Phrifysgol Aberystwyth, gan gydbwyso llesiant â blas gwych a chynhwysion naturiol. Gobeithio y dôn nhw'n rhan o'ch trefn ddyddiol.

Mae ein Te Glanhaol Gwraidd Rhiwbob Gyda'r Nos wedi'i wneud o wreiddiau rhiwbob wedi'u tyfu ar ynys hardd Môn. Mae data treialon clinigol annibynnol yn dangos sut wnaeth y cymysgedd yma leihau colesterol yn sylweddol mewn cyfranogwyr ar y cymysgedd hwn yn unig.

Mae ein Te Disgleirio Madarch Mwng y Llew yn dod mewn dau gymysgedd - Etifeddiaeth Cymru Afal a Sinamon, a'n cymysgedd sydd wedi ennill Gwobr Great Taste, Tsili, Sinsir a Chardamom. Rydyn ni'n tyfu ein Madarch Mwng y Llew ein hunain yn Sir Gaerfyrddin, gan gadw milltiroedd bwyd yn isel a chryfhau cadwyni cyflenwi lleol.

Rydyn ni'n gyffrous i gyflwyno'n pedwerydd cymysgedd, wedi'i ysbrydoli gan ddaioni naturiol planhigion y gwanwyn: Gwrych y Gwanwyn - Spring Hedgerow Tea. Cymysgedd ffres o blanhigion, sy'n dal blas o Gymru.

Mae ein grŵp wythnosol Tŷ Tê yn y pentref yn cynnig gofod croesawgar lle gall pobl gysylltu dros baned dda.

Gobeithio y byddwch chi'n mwynhau ein te llesiant. Mari, Steffan, Helen, Jenny, Joni.